Die padda

Lang jare terug was daar op ‘n skoolkermis op ons kleine dorpie ‘n padda kompetisie.

Daar het ‘n slim man met baie paddas na ons skooltjie gekom om die kinders leer van verskillende paddas, hulle lewens siklus en beskermings meganismes. Hy het ‘n reuse afrika brulpadda gehad – James wat al meer as 15 jaar saam die slim man reis en navorsing doen.

En om die dag af te sluit is kinders gevra om paddas te vang en skool toe te bring om deel te neem aan verskillende padda kompetisies – die kleinste, die grootste, die een wat die verste kon spring en die hardste kon kwaak!

Ek en my Boetie moes ‘n padda deel – want Ma het net kans gesien om een padda te vang. Ek is eenvoudig net te bang en Boetie was nog klein en lomp. Ons padda se naam was Karen en sy kon vreeslik ver spring. Sy het los hande die verspring kompetisie gewen !

Die slim man was so beindruk met ons kleine paddatjie dat hy haar opsluit aangeneem het en saam hom gevat het. Maande later het ons ‘n poskaart van europa afgekry – die slim man het Karen  oorsee gevat 🙂

 

 

Depressiewe Drukkie-mens

Ek voel hierdie week erg emosioneel onstabiel ! Ek is rerig nie ‘n drama queen nie – ek huil, skop en skreeu amper nooit nie. Ek dink ek is ‘n beheervraat en daarom bly ek 99.8% van die tyd ook mooi in beheer van my emosies en denke.

Maar die hemel weet wat hierdie laaste twee weke met my aangaan? My emosies is op ‘n rollercoaster. Ek weet nie wat met myself aangaan nie. Ek  het wragtig op ‘n taxi geskreeu vanoggend – my man het amper die pad verlaat omdat sy “vloek in haar binneste” vroutjie sulke woorde ken en GEBRUIK!

Verder huil ek ‘n volle 10 minute saam ‘n video van ‘n olifant koei wat geboorte skenk – shame sy het nie eers ‘n epiduraal gehad nie en nou moet sy nog sukkel om die kleine olifantjie op sy voete te kry … boehoehoe … daar traan ek sommer weer.

Verder het ek tights en boots aan vandag – skaam jou dood vir hierdie vet vrou met haar verspotte kort bootsies en haar groen tights. Wel, ek gee eenvoudig nie om nie !

Kan ek depressief wees vir die eerste keer in my lewe ? Ek dink die tekort aan fisieke kontak is besig om my onder te kry !

Vriendelike groete

‘n Depressiewe drukkie-mens.

 

 

Wie is ek nou?

BC was avontuurlustig en het haar rugsak gevat en alleen deur Europa gaan toer – want sy kon ! AD gaan soms op Sondae alleen winkels toe.

BC het naweke by kosmarkte en expo’s uitgehang – vreemde kosse probeer en die mensdom bestudeer. Vir AD bestaan naweke nou uit: Hoe laat eet ons? Wasgoed. Is die kos al reg? Skottelgoed. Wat eet ons vannaand? Huisskoon maak. My magie huil, wanneer eet ons? Skoolwerk.

BC het gereeld gaan vakansie hou – of dit nou ‘n naweek in die berge of ‘n week by die see was. Tent en slaapsak op ‘n tazz se agtersit plek en BC was gelukkig. AD vat vakansie as die kinders siek is of daar niemand anders is om hulle op te pas nie.

BC het kerk toe gegaan, by haar familie gekuier, boeke gelees, ‘n opinie gehad en is aangehoor. AD is …

Daar is ‘n voor-die-huwelik weergawe van my (BC) and dan is daar ‘n huidige weergawe van my (AD).

Vandag probeer ek uitvind of BC selfmoord gepleeg het of is sy ver(s)moor?

Gedagte op ag-mei

  1. Elke mens moet verantwoordelik wees vir sy eie kat, hond, kraai of kind.
  2. Ek hou nie van maskers dra nie.
  3. Ek mis my haarkapper amper meer as my Ma.
  4. Die verbod op sigarette verkope en alcohol skeel my min – maar nou is daar gerugte dat die sjokolade gaan klaar raak – dit pla my !
  5. Mooi skoene maak my lewe beter 🙂
  6. Elke familie het ‘n weirdo – ek dink in ons familie is dit dalk ek.
  7. Ouma sou vandag 90 gewees het – hoop julle hou lekker party in die hemel.
  8. Hoekom lag mens as ander mense val?

Moenie die hand byt wat vir jou weelde sorg nie.

Dis eintlik ‘n ingewikkelde storie hierdie. My Ma se suster het nog nooit in haar lewe gewerk nie. Haar man was ryk, hulle het net een kind gehad en haar man het hard gewerk en mooi vir hulle gesorg. Ongelukkig het haar man hard gedrink ook en dan hard handig met hulle gewerk. Dus was die huwelik op die rotse net nadat Sus matriek geskryf het. Pappa het mooi gesorg vir haar dat Sus kon gaan swot en sy het ‘n goeie werk. Pappa het ook relatief mooi vir Tante gesorg na hulle egskeiding maar eers nadat die bank en die drank hulle eie happe gevat het.

Dus het Tante terug getrek na haar Ouers toe en saam met Anna die permanente huishulp het Sy hulle help versorg totdat dit nodig geword het vir hulle (al 3) om Oudtehuis toe te gaan. Tante is die jongste mens in die Oudtehuis maar voldoen darem aan die minimum vereiste van 65 jaar. Sus dra egter die meeste by om seker te maak dat Tante se lewenstandaard nie hoef  te kwyn nou dat sy in die Oudtehuis is nie.

Stenig my oor die opmerking maar my Tante het dus nog nooit in haar lewe gewerk nie EN het nog nooit enige finansiele bekommernis gehad nie want almal SORG vir haar !

Sus is nou ‘n Ma van drie kinders – twee mooi beplande kindertjies wat in haar laat 20’s gebore is en een onverwagse geskenkie wat nou in haar laaaat 30’s sy opwagting gemaak het.  Wanneer jy egter aan die stuur staan van ‘n Maatskappy is dit nie altyd moontlik vir werkende Mammas om 4 maande kraamverlof te vat nie – dus moes Sus noodgedwonge tydens haar kraamverlof soms vir ‘n vergadering of twee terug gaan werk toe.

En hier kom die rede hoekom ek vanoggend so ontsteld is: Sal my Tante my bel en uitpak oor hoe geldgierig Sus is – omdat sy haar Maatskappy eerste stel en nie die welstand van haar kind nie! EN dit alles omdat Sus vandag na ‘n vergadering toe is en haar 12 week oue Bulletjie by ‘n dagmoeder gelos het.

Sy wat nog nooit ‘n vinger gelig het om vir haarself te sorg nie wil vandag die hand byt wat vir haar weelde sorg.

 

 

Milkshakes, donuts en pecan pie !

Ek dink rerig ek moet ook een van daai kopdokters gaan sien – een wat bietjie sin kan maak van die kraaines hier tussen my ore !

Gister stuur die dokter my vir ‘n rits toetse – onder andere een vir die Groot K.

My Ouers, familie en BFFs is hoogs ontstel en bid sommer kliphard dat dit nie die Groot K sal wees nie.

En al waaraan ekke kan dink is milkshakes, donuts en pecan pie want mense wat besig is om dood te gaan hoef nie op dieet te wees nie.

 

Obnoxious

Is daar ‘n goeie afrikaanse woord vir “obnoxious” ?

Luidrugtig kom net nie vir my naby genoeg om my buurvrou mee te beskryf nie !

Kan een mens rerig so gelukkig wees of is sy net “loud and obnoxious“?

 

Ongelukkig stop dit hier.

Ek lees vandag so lekker aan almal se tradisies en pik toe werklik ‘n traan want ewe skielik voel dit vir my of elke tradisie waarmee ek groot geword het met my gestop het.

Kersfees – ek kom uit ‘n huis uit waar ons nooit kersfees gevier het nie. Maar dit stop ongelukkig hier – ons huis vier nou kersfees vir dae lank, met ‘n kersboom en baie geskenke onder die boom.

Familie name – ek en elkeen van my niggies dra baie swaar aan drie of vier familie name. Ongelukkig stop dit hier – ek het geen kinders van my eie nie – en my liefseuns het reeds name gehad toe ek hulle liefmamma geword het (die woord stief bestaan nie in ons huis nie).

Vuurwerke – ek is gaande oor vuurwerke. As kinders het Oupa bondels vol vuurwerke in die leë mielielande geskiet en sommer daarna die haalgeweer ook ! Maar vandat ons nie meer Plaasmuise is nie, stop daardie tradisie ook net hier. Want in die dorp is daar bure, graslapas en bang troeteldiere. Ek sal nog eendag spesiaal Australie toe reis net om nuwe jaar in die hawe te wees – of dalk Hong Kong !

Skool tas – Oupa het plegtig elke kleinkind se eerste skooltas gekoop. En hom tydens ‘n groot plegigheid aan die toekomstige graad een padda been oorhandig en sterkte vir die grootskool toe gewens. Die stop ongelukkig ook hier – regte Mamma het reeds die regte tas gekoop. Lief Oupa sin is maar aan die tuinjong se kleuter geskenk.

Dalk as ek die meer tradisionele roete gevolg het van trou en kinders en huisbly Mammas op die plaas sou daar dalk iemand gewees om hierdie tradisies toe oortedra.

In ons huis van hofbevelle, naweek skedules, my kersfees en jou kersfees en liefkinders gaan daar nie noodwendige enige tradisies oorgedra word nie maar LIEFDE en AANVAARDING in oorvloed.

Ongevoelig en onsimpatiek.

Ek is ongevoelig en onsimpatiek.

As jy kies om ontrou te wees aan jou man en kinders en rond te flerrie met ‘n ander man.

As jy kies om dislojaal te wees teenoor die maatskappy waarvoor jy werk vir persoonlike finansiele gewin.

As jy kies om oneties optetree in jou persoonlike en proffesionele lewe.

As jy kies om gunsies en gawes uittedeel waar jy kom.

Jammer – elke hond kry sy dag – maar ‘n teef kry twee!

 

Integriteit vs Besigheid

Glo moet ek gaan vir Besigheid 101 klasse.

Vandag het ek geweier om ‘n opdrag uittevoer want volgens my is dit oneties ! Ek glo mens moet met integriteit besigheid doen want dit spreek boekdele oor my menswees. Daarom het ek ‘n epos met groot woorde geskryf want ek dink nie dat hierdie handeling REG is nie – en my morele kompas skreeu ten hemele.

Groot was die teleurstelling toe my merdere aka BAAS by die werk my inlig dat dit maar is hoe dit in besigheid gaan.

Dus Me M – verkrag asseblief jou siel en voltooi die opdrag – OF …

Nou dink ek stellig F…OFF !