Het ons vergeet om vriende te maak?

https://maroelamedia.co.za/goeiegoed/goeie-nuus/video-het-ons-vergeet-hoe-om-vriende-te-maak/

 

Hierdie was die interessantste artikel wat ek in weke gelees het !

Advertisements

Sproetjies

Ek sit en wag dat Boeta klaar moet konsert.

“En daar sien ek ‘n klein dogtertjie, eenkant alleen.
Met traantjies wat rol oor haar gevlekte gesiggie heen.”

So tussen die snikke en trane deur verduidelik sy my dat  sy anders is. Daar haar lyfie en haar vel anders is LYK as die maatjies op die verhoog.

En net daar praat die Heilige Gees deur my en gee vir hierdie kind ‘n boodskap wat ek ook eintlik moes hoor. Hier volg ons gesprek:

“Gaan julle ooit wildtuin toe?”

“Ja tannie . ”

“Wel, wanneer julle terugkom van die wildtuin af, spog julle oor al die rooibokke wat julle gesien het. Al daardie duisende rooibokke wat almal dieselfde lyk?

“Nee tannie, ons noem dit weerbokke want jy sien hulle weer en weer en weer!”

“En as julle ‘n groot olifant koei sien met vreemde vlekke op haar lyf, spog julle daarmee?”

“Ja tannie. Daar is niks mooier as ‘n groot matriag wat so statig rondloop nie. En soms het hulle merke op hulle lywe van gevegte waarin hulle was.”

“Nou my liewe kind, is jy nie dankbaar dat die Here van jou eerder ‘n olifant gemaak het in plaas van ‘n rooibok. Sien jy al daardie honderd dogtertjies wat dieselfde lyk – niemand gaan hulle onthou nie, maar almal gaan jou met jou andersheid onthou. Die Here het jou nie gemaak om intepas nie, en dit is nou vir jou vreeslik erg. Maar God in al sy wysheid het jou gemaak om uittestaan. Moet nooit wegkruip nie – own it !”

“Dink tannie so?”

“Nee my liewe kind, ek weet en glo dit met my hele hele hele hart.”

“Dankie tannie. As ek ooit famous word gaan ek my stagename Jubilala maak.”

Met die wegstap stap –  sien ek in my geestes oog vir  Jubilala rustig op die Gomondwane teerpad, oppad Krokodilbrug toe.

Om water te skuif

Vanoggend vind ek die onderstaande prentjie op ‘n grapblad. Die byskrif lui “Hoe om water uit jou erf te skuif na die vloed”.

 

vloedwater

Eers het ek lekker gegiggel maar toe tref dit my dat ek dink ek doen soms dieselfde in my eie lewe. Hoeveel tyd en energie spandeer ek nie om van my  “issues” in my emosionele ruimte rond te skuif nie, sonder om werklik daarvan ontslae te raak. Ek voel so trots daarop dat ek besig is om daaraan te werk – maar help al daai werk rerig as jy dit soos die water bo oor gooi en TOELAAT dat dit net weer terug sluip in jou erf in?

Ek dink ek moet ‘n dam bou wat die water kan binne hou !

Adele

Vandag channel ek vir Adele ! Ek is nie ‘n vreeslike groot musiek fan nie …. stilte gevul met die bos se klanke is vir my beter as enige song. En so van klanke gepraat … die klank van die see maak my verskriklik angstig ?!?

Oeh en daar verloor ek weer die draad van my storie. Wat ek wou sê – ek hou nie van Adele se musiek nie maar ek dink sy is ‘n fenomenale mens.

Wat is die skade?

Gisteraand klim ek heel chuffed van die skaal af en stap so self voldaan in die kamer in, toe my man opkyk en vra : “So wat is die skade, hoeveel het jy hierdie keer opgetel ?”

Die ironie van die hele affere is – ek het gewig VERLOOR. Ek het skelm op die treadmill begin spring as my man nog by die werk is, beter keuses vir ontbyt en middagete begin maak, suiker amper 100% uitgesny, heelwat meer groente begin eet vir aandete en ek was SO trots op myself.

So wat is die skade?

Net een semi-selfbeeld, dankie xxx

Ek is plat geslaan.

Ek    gee    op.

 

 

Maar jy is nie my Ma nie !

Soos meeste van julle weet smag ek na ‘n kiddie van my eie maar tot die Here dit wil is ek stiefma vir ‘n paar seuns.

So ver was ek nog baie gelukkig en het hulle my liefde net so veel as my dissipline aanvaar. Maar ek sidder vir die dag wanneer een van my seuns ‘n deur in my gesig toeslaan en daardie woorde vir my skree : Maar jy is nie my Ma nie !

Ek het al so baie gesprekke met slim mense daaroor gehad, boeke gelees en volg selfs ‘n half dosyn blogs oor hoe om ‘n stiefouer te wees. Maar nog steeds weet nie ek nie wat die regte antwoord (of reaksie) op daar die dolk deur jou hart is nie !

Enige raad welkom 🙂

As die skoen jou pas.

Die gesegte lui “As die skoen jou pas, trek hom aan”. Ek het wel hierdie Desember besef dat die definisie van wanneer die skoen  pas verskil van mens tot mens !

Ek was gestrand op die lughawe en het my tyd verwyl deur na dames se skoene/voete te loer. En ek het besef dat daar ‘n legio vroue is wat iemand anders se skoene probeer volstaan !

My tannie sê altyd “Juffie, daai is dalk jou rok (skoene?), maar dis verseker nie jou nommer nie”. Ek dink daar is ‘n paar Cinderella se stiefsussies daar buite wat net eenvoudig ‘n spesifieke nommer skoen dra hoewel hulle tone of hakke op die vloersleep 😀

Nou laat ek maar my stoute skoene aantrek en met hierdie potblou Dinsdag begin !

Domestic Goddess on Strike

Soos die vakansie nader sluip begin ek al sidder vir al die huiswerk. Kom ons wees nou maar eerlik, ek is nie ‘n domestic goddess nie ! Ek hou nie van skoonmaak agter kinders, honde, mans en kuiergaste nie.

 

Wasgoed Was

Boerseun

Ek mis die bos. My hart bloei vir’ n stukkie rooigrond waar die tarentale jou in die oggend wakker maak saam die bekende reuk van koffie op die vuurhert.

Vandag soek ek nie die see vakansie met al sy mense en coconut sonbrandroom nie !

Boerseun

Lê-Jou-Eier : My super power

My kort antwoord – ek is ‘n Ma – wat is jou superpower?

Ek kan ook na ‘n publieke toilet toe gaan sonder om aan ENIGE IETS te raak – of noem mens dit jare se oefening en wet wipes.

Ek kan ‘n bottel wyn in ‘n rekord tyd laat verdwyn !

Indien ek wel ‘n superpower kon kies – sou ek graag ander mense wou dophou terwyl hulle oefen en hulle gesondheidsvoordele absorbeer sonder om self ‘n druppel te sweet  🙂

 


Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).